Oblys ortalyǵynda 1980 jyldary salynǵan nysanǵa bıyl kúrdeli jóndeý jasaldy. Sol kezden beri «Dınamo» sport kesheninde burynǵy mılısııa, qazirgi polısııa qyzmetkerleri jattyǵatyn orynǵa aınalǵan.
Jóndeý jumystaryna oblystyq bıýdjetten 240 mıllıon teńge bólingen.
Sport kesheniniń ashylýyna qatysqan oblys ákimi Bolat Baqaýov jańartylǵan sport kesheni polısııa qyzmetkerleriniń jaýyngerlik, dene jáne qyzmettik daıarlyqtaryn arttyrýǵa, sporttyq jarystarda polıseılerdiń daıarlyqtaryn arttyrýǵa arnalǵanyn aıtyp ótti
Endi sporttyq keshen kúnine qala turǵyndary da, mektep oqýshylary bar 500-deı adamdy qabyldaı alady.
Quqyq qorǵaý organdarynyń qyzmetkerleri sportpen aınalysyp, túrli jattyǵýlar jasaýǵa múmkindikteri bar. Tótenshe jaǵdaılar departamentiniń de oqý-jattyǵý zaldary bar.
Keshende shaǵyn-fýtbol alańy basketbol jáne voleıbol, sambo, jattyǵý jáne tennıs zaly, qyzdarǵa arnalǵan fıtnes zaly bar.
Tuńǵysh Prezıdent kúni oblystyq ishki ister departamentiniń 600 qyzmetkeri 2050 qashyqtyqty júgirip ótti.
Bul kúni 150-den astam polısııa qyzmetkeri marapattaldy.
Sport kesheniniń ashylýyna Sıdneı Olımpıadasynyń chempıony, Májilis depýtaty Olga Shıshıgına, jerlesimiz, Naganoda ótken Qysqy oıyndar Olımpıadasynyń júldegeri Lıýdmıla Prokasheva qatysyp, polısııa qyzmetkerlerin osyndaı sátti múmkindikterimen quttyqtap, jetistikterge jetýge tilektestik bildirdi.
Farıda BYQAI
«Egemen Qazaqstan»
PAVLODAR
Sýretti túsirgen Valerıı Býgaev